“tamén nós amamos a vida cando podemos”
Esta referencia a Mahmud Darwish foi a entrada a outro dos momentos certamente especiais do feixe que estes dous artistas nos fixeron vivir na noite do 18 de decembro, unha frase que en si mesma resume a sorte de poder formar parte dunha ocasión única, dificilmente esquecible, máxica.
Desfrutamos dun pequeno recital íntimo, recollido, con unha temperatura exterior que non superaba os 0ºC, pero que Iván e Benxamín nos souberon tornar coa música que levan dentro.
Os algo máis de 25 espectadores saímos contentos, admirados, sabedores de que fora unha xornada máxica e digna de repetirse. A combinación do Flamenco de Iván , con unha guitarra que saca lume nas súas mans, xunto coa Música Contemporanea que nace do Oboe de Benxamín , supón un espectáculo para o que as palabras quizais non sexan o mellor medio de descripción, debendo deixar ós sentidos que sexan eles quen conten e expresen o que captan.
Iván e Benxamín , Benxamín e Iván , dous Músicos, con maiúscula, pois non hai mellor palabra para definilos. Dende Tarabela agradecer a vosa presencia e os nosos desexos de voltar a tervos tocando para nós canto antes.
FOTOS: M.J.Méijome (c)