Algo máis de 25 persoas acudiron o sábado 12 de novembro ó concerto do grupo de Jazz 3 Azoteas no Local de Tarabela .
Foto: Chispón
Foi un concerto sorprendente, tanto para os afecionados ó xénero como para os primeirizos, cheo de versións e músicas compostas na maioría polo grupo e inspiradas en situacións diarias, nas que intercalaron solos de contrabaixo, teclados e batería que foron especialmente aplaudidos.
O éxito da actuación mideuse nos minutos de aplausos que lles dedicaron os asistentes, o cal convenceu ó grupo a saltar a súa tradición de non facer bises e agasallarnos cunha improvisación espectacular, chea de risas e confidencias entre os músicos.
Despedímonos deles apalabrando unha nova actuación no primeiro trimestre do 2010, na que virán a presentarnos o seu primeiro traballo discográfico, en proceso de produción.
Para máis información sobre eles podedes visitar http://www.myspace.com/3azoteas