Tarabela Tarabela Espazo en Movemento

O xoves 7 de xaneiro, ás 22:00 no Local de Tarabela, “BLEU” de Krzysztof Kieslowski

Esta é a primeira das películas que forman a triloxía das “Tres Cores” do famoso director polaco  Krzysztof Kieslowski, quen, para facer este traballo, inspírase na liberdade para brindar unha mirada pausada á dor da morte e á loita do ser humano por reconstruir a súa vida cando lle bate a traxedia.

Coa actriz francesa Juliette Binoche como protagonista, a película conta a historia de Julie (Binoche) quen é a única supervivinte dun accidente no que morren o seu home, un famoso compositor, e o seu único fillo. Ante esto, Julie tenta suicidarse, pero non é capaz de rematar coa súa vida. Decide entón borralo todo e comezar de novo destruindo tódolos signos da súa existencia pasada.

Azul é a máis fermosa das tres películas dende o punto de vista formal e transmite a forza e a complexidade da asombrosa interpretación de Binoche con xeito que captura a tenacidade da humanidade con unha profundidade pouco usual. A película tamén reflexa a intelixencia visual do seu director e sírvese da música como catalizador dos seus propósitos.