COOP57 e unha cooperativa de servizos financieiros , creada en Barcelona en 1995, que destina os seus recursos propios a dar prestamos a proxectos de economía social que promovan a ocupación, fomente o cooperativismo, o asociacionismo e a solidaridade en xeral e promovan a sostenibilidade sobre a base de principios éticos e solidarios.
Os recursos propios de COOP57 proceden principalmente de duas fontes:
Aportacións das entidades sociais (cooperativas, asociacións, fundacións e outras entidades da economía social)
Aportacións dos socios e das socias colaboradores (persoas físicas que queren que os seus aforros se xestionen dacordo coas súas inquietudes éticas e sociais)
Os socios/as colaboradores/as poden participar da seguinte maneira:
Depositando os seus aforros a prazo.
Participando nas asambleas, encontros e comisións de traballo
Elixindo un representante ó Consello Rector.
Un proxecto a coñecer, unha alternativa á Banca Convencional.
Para mais información podedes consultar a sua páxina web .
A cita con Coop57 será o Sábado 30 de Xaneiro as 18:00 no noso local. Non faltedes!
O venres 4 , ás 21:00 no Local Tarabela , Títeres e Charla a favor dos Indios Mapuches . Prezo 4€
Comezaremos a noite cunha charla sobre os mapuches, que irá acompañada de proxeccións de vídeos, e finalizaremos coa obra de títeres “O Indio Lautaro”
O conquistador Pedro de Valdivia diríxese cara ao interior de Chile para conquistar todo o territorio e covertir ós indios en escravos. Alí atópase con Lautaro, un indio que fará todo o posible para evitar que os seus perdan o que máis aman, a súa terra.
O luns 16 , ás 22:15 no Local Tarabela , Faladoiro co tema Os Pazos do Deza . Teremos como convidado a César Gomez Buxán .
O martes 17 , ás 21:30 no Local Tarabela , terceira xornada do ANIRMAU09 adicada á Animación con Técnicas Mixtas .
O sábado 21 , ás 17:30 na Casa da Xuventude de Lalín , 1º Serán de Tarabela .
Un serán é un encontro de música e baile tradicional galego que antigamente se facía nas aldeas ao por o sol. O motivo era reunirse os veciños para tocar, bailar e cantar.
Dende Tarabela convidaremos a grupos de gaiteiros, de baile e canto da zona para tentar darlle vida a un serán . Estades todos convidados!!!
O sábado 14 , ás 21:30 no Local Tarabela, Conmemoración do 7º Aniversario do Prestige .
Cúmplense 7 anos dun dos sucesos máis tráxicos da Galiza: o afundimento do Prestige . Cremos que ten que ser recordado para que Nunca Máis pase de novo.
No acto inauguraremos unha exposición sobre a catástrofe, proxectaremos a reportaxe Sobrevivir ó Prestige Cristina Fernández e contaremos coa presenza dunha persoa que nos informará sobre a situación actual do caso Prestige .
As fotografías son de Suso Rivas , tomadas no día de noiteboa do ano da desfeita. 7 imaxes de carrete de 35mm en B/N e positivadas por Juana Mª Arregui Indurain . Acompáñanse do seguinte texto (click para agrandar)
O luns 9 , ás 22:15 no Local Tarabela , Curso de Primeiros Auxilios .
Alberto Granja (Kg ), falaranos da importancia dos primeiros auxilios, as medidas que se toman inicialmente nun accidente ata que chega a axuda sanitaria, e que resultan fundamentais xa que, aplicados con rapidez e criterio, son determinantes para reducir as consecuencias e en ocasións salvar vidas.
Nesta charla sobre primeiros auxilios falarase das técnicas básicas que se dan obrigatoriamente aos escolares en moitos países de Europa. Son consellos básicos sobre que facer e que non facer en determinadas situacións, para as que non hai que ter coñecementos sanitarios, pero que poden marcar a diferenza en tre a vida e a morte.
O luns 9 , ás 22:15 no Local Tarabela , Curso de 1º Auxilios . Os primeiros auxilios son as medidas que se toman inicialmente nun accidente ata que chega a axuda sanitaria, resultando fundamental que sexan aplicados con rapidez e criterio. Falaremos das técnicas básicas e de como levalas a cabo.
O martes 10 , ás 21:30 no Local Tarabela , segunda xornada do ANIRMAU09 , adicado á animación en 2D , os coñecidos debuxos animados.
O venres 13 , ás 22:00 no Local Tarabela , Pedro Brandariz presenta “P.G.U.” , un monólogo cómico no que se narra a vida dun gordo. Cun estilo agresivo e transgresor, Pedro Brandariz conta diversas peripecias da súa vida dende a perspectiva de gordo. Prezo 4€.
O sábado 14 Campionato de Ping-Pong . Se vos queredes apuntar ao primeiro Campionato de Ping Pong de Tarabela , mandádenos un correo a contacto@tarabela.org ou chamade/sms ao teléfono 689715300 . Informarémosvos das bases e do lugar de celebración.
O sábado 14 , ás 16:00 no Local Tarabela , taller de Stop Motion . Seguindo coa programación do ANIRMAU09 propoñémosvos este taller de animación impartido por Sergio Mella .
O sábado 14 , ás 21:30 no Local Tarabela , Aniversario do Prestige: Exposición e vídeo . No 7º Aniversario dun dos sucesos máis tráxicos da Galiza celebraremos un acto para lembrarnos do suceso e que nunca máis se repita. Inauguraremos unha exposición fotográfica de Suso Rivas e proxectaremos a reportaxe Sobrevivir ao Prestige de Cristina Fernández . Contaremos cunha persoa que nos informará sobre a situación actual do caso Prestige.
Mañá venres 30 teremos duas actividades en Tarabela , que terán continuidade no sábado. Animádevos.
Ás 22:00 , no Local Tarabela , teremos unha charla de micoloxía , na que Alberto Granja (Kg) , gran coñecedor deste tema na comarca, nos dará unha pequena explicación sobre o mundo dos cogomelos, cando empezar a recollelos, onde…
Coa chegada do outono non hai mellor escusa que ir buscar uns cogomelos para dar un paseíño, desfrutar do monte e compartir unha recolleita cunha botella de viño. Na charla veremos moitas das especies que o sábado, nas saídas conxuntas, atoparemos polos montes do Deza. Na noite do sábado, na celebración do magosto de Tarabela , cociñarémolos e desfrutaremos do seu sabor e as distintas maneiras de preparalos. Convidámosvos a todos, poderedes aprender a distinguir as suficientes especies para, con seguridade, introducirvos no coñecemento dos cogomelos.
Faremos duas saídas o sábado , unha ás 10:30 e outra ás 16:30 , quedando no Local
Tamén mañá venres 30 , dende as 20:00 (poderedes incorporarvos cando queirades) e ata altas horas da madrugada (esperamos estar aínda ás 5:30 e que non nos leve o medo) proxectaranse de forma continuada varios filmes de terror, unha lista de películas sorpresa que non deixará indiferente a ninguén, queda dito. Para os que aguanten ata case o final , e non lles treman demasiado as mans, haberá un chocolate con churros que de seguro se agradecerá.
O lugar da proxeción, para manter o segredo, será unha sorpresa (pero polo vaixo avisamos que vai acontecer todo isto no Museo do Títere -fronte o antigo Manuel Rivero). Contamos con todos para unha noite de medo-medo e algunha risa.
Semana de fotos, medos, cogomelos e magosto en Tarabela :
O martes 27 , ás 22:00 noLocal Tarabela , teremos a segunda xuntanza de fotógrafos, onde planificaremos as rutas da próxima actividade e proxectaremos o documental “Fotógrafo de Guerra” , baseado na vida profesional de James Nachtwey . Tedes máis información aquí: II Xuntanza de Fotógrafos
O venres 30, dende as 20:00 ata as 6:oo , Noite de Terror nunha casa sorpresa de Lalín. Proxectaranse de forma continuada varios filmes de terror que iremos coñecendo durante a semana para ir mantendo o suspense. Haberá chocolate con churros para os que aguantes ata o final.
Para asistir a esta actividade é importante que chamedes/sms 689715300 ou remitades correo a contacto@tarabela.org para poder ter unha idea da xente que seremos.
O venres 30 , ás 22:00 no Local Tarabela , Charla de Micoloxía .
Chega o outubro e ¿que mellor escusa que ir buscar uns cogomelos para dar un paseiño, desfrutar do monte e compartir unha recolleita cunha botella de bo viño? En Tarabela convocámosvos a unha pequena charla sobre os cogomelos na que veremos moitas das especies que o sábado, nunha saída conxunta, atoparemos polos montes do Deza. Á noite cociñaremos os cogomelos recollidos no centro social e posteriormente irémolos comer ao magosto de Tarabela. Poderás aprender a distinguir unhas poucas especies, as suficientes para, con seguridade, introducirte no coñecemento dos cogomelos. Bon apetit!.
O sábado 31 faremos dúas saídas a buscar cogomelos: unha ás 10:30 da mañá e outra ás 16:30 . O lugar de saída será o Local Tarabela e se queres participar sen ter asistido á charla do venres chama/sms 689715300 ou remite un correo a contacto@tarabela.org
O sábado 31 , ás 21:30 , Magosto de Tarabela
Esta noite xuntarémonos no Prado Tarabela se o tempo nos acompaña, se non no Local
O luns 19 de outubro , ás 22:15 no Local Tarabela , 1º faladoiro
Un faladoiro é unha reunión informal, para debater, informarse, compartir, crear ideas e xerar correntes de opinión. Un faladoiro é un instrumento educativo que ensina tolerancia e sentido crítico. Permite aos interesados estreita relacións e enriquecer a súa cultura, aos neófitos aprender dos máis experimentados e coñecer informalmente ás persoas da súa esfera. Os faladoiros serán grabados e extractaranse para tentar facer unha publicación en forma de Caderno que estará a disposición do público de xeito gratuito.
Este primeiro faladoiro terá como tema a debater a Situación Medioambiental da Comarca do Deza . A tal fin, temos convidadas a unha chea de persoas que profesionalmente, ou por devoción, poden aportar ideas e datos a tan interesante tema. Como convidado que dará a súa visión e abrirá o debate teremos con nós a Daniel Manso .
Daniel Manso é axente forestal que traballa actualmente na zona de Chantada. Anteriormente estivo 7 anos destinado no Parque do Xurés. Ten varias publicacións na revista natureza galega, colaboracións fotográficas con distintos medios e artigos na revista Nova Acta Científica Compostelana da Universidade de Santiago con novas citas de especies no Parque do Xurés. Actualmente é veciño da parroquia de Vilatuxe.
Os faladoiros serán gravados e extractaranse para tentar facer unha publicación en forma de Caderno para poñela gratuitamente a dispor do público en xeral. Deste faladoiro sairán algunhas iniciativas a facer nos vindeiros meses, unha relacionada coa fotografía e outra co sendeirismo . Estades todos/as convidados/as a participar e aportar neste debate.