Tarabela cumpre un ano de existencia, xa somos máis de 200 socios, que apoian e colaboran nas actividades.
Dende o nacemento da asociación o 18 de xullo do ano pasado non deixamos de xirar, propoñendo un cento de actividades no que levamos de ano…… e hai que celebralo!
Grazas a tod@s por ser tan tarabelos !!
Programa de actividades: Festa do Vento
Preséntase en Tarabela en primicia mundial “A festa do Vento “, a festa grande de Tarabela que será do 16 ao 24 de Xullo , cun montón de actividades.
Tamén presentamos o cartel feito polo Pintor Armindo Salgueiro , a obra será sorteada durante a festa, podes mercar a túa rifa nuns días.
Ide quentando motores, en breve teredes máis información.
Xa está todo preparado para o primeiro dos actos do Entroido deste ano: a subida de Santo Torrisco á Cacharela!!!
A toda a xente que vos gusta cantar, estades todos/as convidados!!!
Mais información | Repertorio da Subida de Santo Torrisco.
Tal como anunciamos a primeiros de semana (aquí sábado 2 sairemos Cantar os Reis polas tabernas de Lalín, na procura de pasar unha noite festeira e divertida, coma as de antes que se di.
Taberna do Matelo , na Praza das Pipas , e acordamos quedar ás 19:00 . Logo teremos unha cea nun restaurante de Lalín no que continuaremos a festa. Se vos interesa avisade de que vides á cea en contacto@tarabela.org sms/chamada no telf: 68971530.
Os que queirades ir ensaiando podedes facelo con esta Recopilación de Cantos
O Serán comezou ás 5:30 na Casa da Xuventude de Lalín, o 21 de Novembro , xuntando durante as horas que durou algo máis de 130 persoas.
Para abrir boca comezamos a tocar os da casa: “Os Pedalá” . Os primeiros convidados en chegar foron os da Residencia “Geriatros” , que viñeron a compartir un ratiño con nós e algúns ata se animaron a botar uns bailes. Víanse ganas de festa!
Foi pasando a tarde, e caldeándose o ambiente. Tocaron unhas pezas algúns dos compoñentes dos “Xuncos” , despois os de “Outras Herbas” …, e a pistade baile que se ía enchendo: unha roda por aquí, un grupiño de cativas e cativos por alá, algúns observadores internacionais (estudando as distintas técnicas dos danzantes)…
E a iso das oito da tarde chegou o momento estelar: “As Señoras e Señores de Zobra” , que tanto nos teñen aprendido a todos os cantadores e bailadores de Galicia. GRACIAS POR MANTER SEMPRE VIVA A NOSA CULTURA.
A estas alturas xa non había quen parase o baile, as pernas ían soas pola pista: daba igual muiñeira, que xota, que mazurca, que rumba… Nesto chegou a quenda dos de Saídres, os “Pau de Buxo” , que maneira de tocar!!!!! Que ben se baila ao ritmo da súa música!!!!!!
Despois de tanto exercicio, foi preciso repoñer forzas antes dunha última atacada, sentámonos todos a cear unhas empanadas e un riquísimo potaxe de garavanzos que nos fixo Currás .
As fotos para os que non puidestes vir. Graciñas por elas a Luisa Areán , Nuria Vicente e Raquel Castro :
VEMONOS NO PROXIMO SERAN!!!!!!!
O sábado 2 sairemos Cantar os Reis polas tabernas de Lalín e entre viños e cantigas pasaremos unha noite coma as de antes.
sábado 2 , e non o martes 5 tal e como estaba publicado no programa do 4º trimestre. Despois, os que veñades cantar e aqueles que vos queirades xuntar, teremos unha cea nun restaurante de Lalín no que continuaremos a festa. Se vos interesa avisade de que vides cantar e/ou á cea en contacto@tarabela.org sms ou chamada no telf: 689715300
Andamos a preparar un pequeno libriño de cantares no cal, se queredes, podedes participar remitíndonos algún. Repartirémolos por alí onde pasemos e entre os que veñades.
Informaremos con máis detalle durante a semana pero pedímosvos que avisedes canto antes para reservar a cea.
Estades tod@s convidad@s!!!!!!
10 anos de bo traballo nótanse de seguido en calquer formación musical, e no caso de Atmósfera 0 puidemos comprobalo xa nos primeiros acordes do que foi unha das mellores noites de música en Tarabela .
O sábado 7 de novembro non foi un dia no que a climatoloxía acompañase especialmente, pero á noitiña o tempo respetou e xuntámonos preto de medio cento de buscadores de sensacións para asistir ó concerto de Atmósfera 0 no Local Tarabela .
Tendo sufrido cambios na súa composición ó longo da década que levan deixándose escoitar, Atmósfera 0 destila un xeito musical definido e fresco, que anima a seguir escoitando dende o primeiro momento e a poñer tódolos sentidos a traballar para non perder detalle do que regalan en cada nota.
O concerto dou comezo sobre as 22:00 e levounos a unha viaxe de case tres horas nas que a complicidade co público foi constante, sabendo manter as risas con chanzas, pezas adicadas e continuos ánimos a participar no espectáculo.
Atmósfera 0 : Vito , Fran , Mauro , Cacheda , Iago e Lorenzo .
Tampouco faltaron as colaboracións expontaneas, animadas e provocadas polos integrantes de Atmósfera 0 e que dan conta da calidade profesional e persoal que atesouran.
Dende Tarabela non podemos máis que reiterar o noso agradecemento por térennos regalado unha xornada excelente, poñéndose á nosa disposición dende o primeiro momento e achegando tódalas facilidades para levar adiante este concerto.
En definitiva, unha noite resolta coa máxima nota, chea de sensacións e detalles dificiles de esquecer, e que esperamos poder repetir máis e mellor nun futuro o menos lonxano posible.
FOTOS: M.J.Méijome (c)
Podedes saber máis de Atmósfera 0 no seu MySpace: http://www.myspace.com/atmosfera0
E para os que non puidestes asistir un anaquiño do que foi a noite gracias a DezTV (levan 10 anos, non se presentaron en Tarabela tal como se indica no comezo do vídeo
Están confirmados para participar no Serán de Tarabela (máis información aquí
PAU DE BUXO , de Saídres
OUTRAS HERBAS , de Santiso
PANDERETEIRAS DE ZOBRA
PEDALÁ , de Tarabela
OS XUNCOS , de Santiso
O sábado 21 , ás 17:30 Casa da Xuventude de Lalín , 1º Serán de Tarabela .
“Serán é o nome que se lles dá nunha ampla zona do interior da provincia de Pontevedra ás festas participativas que organiza a xente das aldeas no tempo en que non hai verbenas por ningures, e que comezaban, claro, polo “serán”, á tardiña. Poderiamos dicir que é un “circuito de inverno”, o mellor xeito de ir de festa a tocar, cantar e bailar cando non hai máis a onde ir. Por iso a festa fana os que van ao serán.
E tampouco o fan de calquera xeito, existe unha organización tradicional ben clara e definida para os seráns , sobre todo no tocante ás pezas que leva un baile. En xeral nesta zona comézase a tocar polos solto: primeiro a jota, e logo á muiñeira (tamén chamada ribeirana), para pasar logo aos agarrados, xeralmente dous, a escoller en orde e tipo entre a danza (ou rumba, mazurca –por confusión-, tras-trás…), o pasodoble, o valse, ou o chiqui-chiqui (ou dous pasos), mazurca…
Tradicionalmente ao serán íase única e exclusivamente a tocar ou a bailar, porque digamos que estaba socialmente establecido así, era un moi bo xeito de relación dos mozos coas mozas. Pero non vos preocupedes se aínda non sabedes botar un solto: os seráns son unha moi boa escola, un dos mellores sitios onde aprender de xeito “natural” como botar unha jota ou unha muiñeira, vendo a mestría de moitos dos máis veteranos e expertos bailadores de toda a zona.
Así que animádevos, e integrádevos nunha das festas máis ancestrais e arraigadas que aínda se conservan no noso país: O SERÁN!! .”
Texto: Guillerme Ignacio Costa
O luns 16 , ás 22:15 no Local Tarabela , Faladoiro co tema Os Pazos do Deza . Teremos como convidado a César Gomez Buxán .
O martes 17 , ás 21:30 no Local Tarabela , terceira xornada do ANIRMAU09 adicada á Animación con Técnicas Mixtas .
O sábado 21 , ás 17:30 na Casa da Xuventude de Lalín , 1º Serán de Tarabela .
Un serán é un encontro de música e baile tradicional galego que antigamente se facía nas aldeas ao por o sol. O motivo era reunirse os veciños para tocar, bailar e cantar.
Dende Tarabela convidaremos a grupos de gaiteiros, de baile e canto da zona para tentar darlle vida a un serán . Estades todos convidados!!!