Agora vémolas apodrecer nas beirarúas, nos pobos baldeiros, agardando por alguén que as volte á vida.

Velaiquí unha pequena homenaxe….

Venres 7 de Maio ás 21:00 h no Local da Tarabela. Entrada de balde.

As fotografías estarán expostas no Local da Tarabela ata o 2 de Xuño.

Podedes atopar máis información deste fotógrafo no seu Flickr.

.

O venres 15 ás 22:00 e o sábado 16 ás 17:30 (sesión infantil) no Local de Tarabela, “Tío Miseria“, espectáculo de títeres de Fantoches Baj.

“Tío Miseria” é un espectáculo de títeres de luva e variña, onde as personaxes son utensilios de cociña de uso cotián. A historia, creada a partir dos contos populares “O Ferreiro e o Demo” e “O peral da Tía Miseria”, conta en clave humorística o porqué da existencia da miseria no mundo.

.

O sábado 16 ás 21:30 no Local de Tarabela, exposición de fotos de David Silva.

Quedamos na Estación de Autobuses, lugar acordado para atoparnos e de onde saimos 5 afecionados á fotografía.

Chegamos ó mirador co Toxa aínda cuberto de neboa, empezan a sacarse as primeiras fotos pois a paisaxe de outono é perfecta para sacar o fotógrafo que cada un leva dentro.

Antes de baixar cara á Fervenza dirixímonos en sentido contrario  ó discorrer do río polo canal da presa, entre os tuneis e pasos sobre o canal chegamos á ponte do AVE onde nos dispersamos: unhos baixan polo río, outros céntranse na ponte e algún tenta alcanzar a presa con dificultade.

Na volta engadimos un membro máis ó grupo e tralas presentacións baixamos seguindo o canal, chegando ó pé da Fervenza onde cada un desempéñase como pode loitando para que a auga non molle a cámara. Seguimos baixando o Toxa ata onde se xunta co Deza, escoitándose os opturadores das cámaras durante todo o camiño.

Na ponte sobre o Deza buscamos un lugar axeitado pra xantar sen alonxarnos moito.

Na volta á Fervenza seguimos parando na búsqueda de imaxes, facendo antes de irnos a necesaria foto de grupo. Pasamos de novo polo mirador e imos camiño do mosteiro. Recorremos o seu interior por todo lugar onde podemos, facendo o posible por aproveitar ata o último resto de luz tamén nos arredores do Deza.

Xa de noitiña voltamos pra Lalín pensando na próxima saída e as imaxes que levamos.

Algún exemplo:

FOTO: Manuel Iglesias Gómez

FOTO: Manuel Iglesias Gómez

FOTO: Angela García

FOTO: Angela García

FOTO: Pepe Barallobre

FOTO: Pepe Barallobre

FOTO: Pepe Barallobre

FOTO: Pepe Barallobre

FOTO: Pepe Barallobre

As fotografías tiveron moi boa acollida entre os asistentes, e entre castañas e conversas fumos intercambiando opinións

O autor, Otto Roca, explicounos a historia de Piedad, así como os diferentes momentos polos que transcurreu o proxecto de filmación

FOTO: M.J.Méijome (c)

O vídeo, dunha beleza certamente salientable, provoca, con imaxes e palabras, que ninguén permaneza indiferente

Piedad Ferreiro, 76, disfruta dos últimos días na súa vila natal, antes de trasladarse á cidade onde se instalará, de manera definitiva, baixo o coidado dos seus fillos.

“12 Noites con Piedad”, constitue a parte inicial dun proxecto documental que profundiza, dende unha perspectiva local, nun feito xeralizado a escala global: o éxodo da poboación do medio rural cara ás cidades e o proceso de readaptación, en ocasións hostil, que ésta debe afrontar ante o seu novo e alleo entorno.

Se che gusta a fotografía, sexas afecionado ou profesional, tiras mil fotos ó mes ou duas ó ano, se pasas horas diante do ordenador procesando imaxes e buscando as mellores tomas ou ves as imaxes tal cual saen da cámara, seguro que che interesa asistir e pasar un bo momento falando do que nos gusta.

Na xuntanza miraremos e comentaremos algunha das fotografías que se tomaron na saída do sábado polo entorno da Fervenza do Toxa.

Teremos tamén unha pequena charla introductoria ó programa de procesado qtpfsgui, gratuito e específico para a técnica do HDR (os que estedes interesados podedes descargalo aquí). O taller-charla será impartido por Manuel Iglesias.

Falaremos logo do Proxecto Pazos, do que posiblemente se presentarán e entregarán os roteiros e documentación, e de diversos temas como a creación dunha web conxunta na que mostrar as nosas fotografías, novos proxectos e outros.

Teremos a proxección das fotografías tomadas na saída do sábado, un pequeno taller e debatiremos diversas cuestións sobre o grupo de fotografía e próximas actividades.

.

O venres 18, ás 22:00 no Local de Tarabela, Benxamín e Ivan. Prezo 4€.

Dous showmans e virtuosos da música lalinense quérennos regalar un anaquiño das súas creacións. Unha guitarra flamenca e un oboe, Iván e Benxamín. Algo incrible que non podedes perder.

.

O Obradoiro de Literatura do xoves 17 e o Ceador Intercultural do sábado 19 anunciados no programa trimestral pospóñen a súa celebración ata novo aviso.

O plan do día é:

10:00 Saída da estación de autobuses (mirarase de non levar un cento de coches). Se alguén quere incorporarse pola tarde ou a outra hora que envíe un correo a contacto@tarabela.org para poñer un punto de encontro.

10:30 Mirador da Fervenza do Toxa. Aproveitaremos esta zona para empezar a facer fotos, ensinando e aprendendo unhos dos outros.

14:00 Xantar “de campo”. Buscaremos un lugar axeitado, sendo preciso que levedes a comida (tamén é recomendable auga ou “líquido elemento”)

15:00 Río Deza. Baixaremos pola ruta marcada a carón do Deza ata que a luz acompañe.

Repetimos que hai que levar o xantar, e é recomendable roupa e calzado apropiado para camiñar. Para os máis despistados lembrade coller a cámara e “carretes”. As fotografías que se tomen proxectarémolas o martes 15 nunha xuntanza de fotógrafos da que xa informaremos.

Se vos animades estade un chisco antes das 10:00 na estación de autobuses, e a ser posible comunicade asistencia en contacto@tarabela.org.

“Cando José estaba moi enfermo díxome que quería que morrésemos xuntos, eu contesteille que non podía ser; non podíamos deixar aos fillos sós. O día que morreu, queimámolo. Gardo as súas cinzas en Leiroso, na casa na que naceu el, que tamén é na que nacín eu. Cando chegue o momento e me queimen a min, teño encargado que solten as nosas cinzas xuntas, ao pé dun castiñeiro“.

Piedad Ferreiro. Leiroso. Outono de 2009

76 anos de vivencias e amor polo que lle rodea a un, dan para moito.
12 noites convivindo con Piedad en Leiroso, mentras tentas captar a esencia da súa vida en fotografías, algo menos, mais había que tentalo.

Amor que hoxe atopa refuxio nas mans de Piedad, no xeito de desenvolverse no monte de castiñeiros e nas súas lembranzas; as mesmas que iranse diluindo coma vago espellismo do que foron, solapado polos danos colaterais da súa inqueda ancianidade.

“12 noites con Piedad”, estación orixinaria dun proxecto documental que pretende percorrer o éxodo do rural cara as cidades. Os seus protagonistas, persoas anónimas que por moi diversas situacións vense abocadas a deixa-lo campo, extensión de sí mesmos, para verse de un día para outro mergullados na súa nova i.realidade. Mantendo a ilusión, quizáis, de poder retornar algún día, ainda que sexa nunha pequena furna.

Otto Roca. Compostela. Inverno de 2009

Lembraremos a historia de Xonxa, Paco e Birutas co gallo do 20 aniversario deste título emblemático da cinematografía galega.

.

O venres 11, ás 21:30 no Local de Tarabela, Exposición de Vídeo e Fotografía: Otto Roca.

Otto Roca. A Coruña, 1976. [E-(au)sencias] – work in progres ou cadernos dunha viaxe infinita- Fotoxornalista e fotógrafo documental especializado en reportaxes de interese humanístico e estilos de vida rural e tradicional.

Dende hai anos Compostela é cuarto obscuro onde procura refuxio, namentres, sen esgotar a súa capacidade de asombro, edita na súa mesa de luz realidades que se revelan ao outro lado do visor.

O autor convidanos a tod@s a adentrarnos nese territorio incerto e intanxible entre o alleo e o propio, o real e o imaxinario, a través dunha seleccción de pequenos mordiscos de realidade, que o axudan a percibir e recoñecer o que o rodea, e ilumina coordenadas cara a novos territorios inexplorados na procura de efímeros instantes de harmonía fugaz.

.

.

O sábado 12, ás 22:00 no Local de Tarabela, Concerto de 3AZOTEAS.

Jazz como punto de partida, pero dende unha perspectiva aberta, sen prexuízos nen imposicións estilísticas ou compositivas.

O nome do grupo pode verse como unha alegoría do que implica este elemento constructivo: tres azoteas decoradas, organizadas e amobladas dunha forma diferente, pero integrantes do mesmo. A entrada será de 4€.