Os dias 2 e 3 de Xullo a Tarabela organiza o I Encontro de Arte e Natureza, tamén chamado Lalinarte onde os artistas pontevedreses Antón Sobral e Fernando Lafuente dirixirán a actividade creativa.
O encontro constará dunha sesión teorica-visual o venres 2 a partir das 18h onde se fará unha aproximación as experiencias de land art realizadas en Galicia e no mundo. Proxectarase material que describe o proceso artístico dos artistas mais importates neste eido. Proxectarase a película Rios e Mareas .
O sábado 3 a partir das 9:30 xuntaremonos na Tarabela para inciar o día de traballo in situ na carballeira da Crespa onde os artistas realizarán as suas obras na mesma natureza sempre efímeras, e respetuosas co entorno e contando co asesoramento dos coordinadores da actividade. As 20:00 voltaremos a Tarabela pra poñer en común os traballos realizados.
O Domingo 4 a partir das 12:00 xuntaremonos na Tarabela para por en común das propostas e ás 14:30 celebraremos un xantar de despedida.
A filosofía do encontro será traballar a partir dos sentidos. Percibir o espiritu do bosque. Escoitar, ollar, cheirar, degustar, tocar o espacio natural. Deixarse transportar polas cores das vellas árbores con miles de formas e texturas. Deter o tempo. Pasear paseniño. Escoitar o son do vento. Intervir con delicadeza e creatividade. Pintar con flores. Escribir con trozos de ramas. Ordear as follas caidas do inverno ..
E un obradoiro aberto onde artistas e amigos da natureza traballarán na Carballeira da Crespa .
As persoas que interesadas poden inscribirse contactando a través das seguintes opcións:
ó correo: otto@tarabela.org
no móbil: 687481816
Cuota de participación 10€ – socios da Tarabela, de balde. -
Animadevos, ainda quedan prazas.
Obradoiro de NOVAS TECNOLOXIAS para MAIORES .
Obradoiro de NOVAS TECNOLOXIAS para MAIORES
Recibirás AXUDA atopando solucións prácticas e sinxelas sobor:
NAVEGAR POR INTERNET, TDT , CONTESTADOR AUTOMÁTICO, SMS, BLOG, SKYPE, E-MAIL , FACEBOOK
REDES SOCIAIS, AUTOAPRENDIZAXE, RESPONSABILIDADE , DE XEITO DIVERTIDO e SEGURO
Neste obradoiro dirixido a maiores de 40 anos trataremos de estreitar algo a famosa fenda dixital , tentando axudarte a lle perder o medo ás novas tecnoloxías para que aprendas a empregalas no teu favor. De seguro, non has de quedar defraudad@. Agardámoste por Donramiro 17. ANÍMATE !!
Reunión Informativa - sen compromiso algún -
Luns 26 de Abril ás 5 da tarde
Local Social: Donramiro 17
Debido factores meteorolóxicos, e xa que a maior parte da actividade é o aire libre, vémonos na obriga de aprazar as actividades previstas para esta fin de semana, a xuntanza de Arte e Natureza e o concerto de Rumba Oeste do sábado 27.
Pedimos desculpas a todos aqueles que tiñades pensado participar.
Avisaremos da próxima data destas actividades.
O martes 15 , ás 21:00 no Local Tarabela , teremos unha nova Xuntanza de Fotógrafos .
Se che gusta a fotografía, sexas afecionado ou profesional, tiras mil fotos ó mes ou duas ó ano, se pasas horas diante do ordenador procesando imaxes e buscando as mellores tomas ou ves as imaxes tal cual saen da cámara, seguro que che interesa asistir e pasar un bo momento falando do que nos gusta.
Na xuntanza miraremos e comentaremos algunha das fotografías que se tomaron na saída do sábado polo entorno da Fervenza do Toxa.
Teremos tamén unha pequena charla introductoria ó programa de procesado qtpfsgui aquí Manuel Iglesias .
Falaremos logo do Proxecto Pazos , do que posiblemente se presentarán e entregarán os roteiros e documentación, e de diversos temas como a creación dunha web conxunta na que mostrar as nosas fotografías, novos proxectos e outros.
O martes 15 , ás 21:30 no Local Tarabela , Xuntanza de Fotógrafos
Teremos a proxección das fotografías tomadas na saída do sábado, un pequeno taller e debatiremos diversas cuestións sobre o grupo de fotografía e próximas actividades.
.
O venres 18 , ás 22:00 no Local Tarabela , Benxamín e Ivan
Dous showmans e virtuosos da música lalinense quérennos regalar un anaquiño das súas creacións. Unha guitarra flamenca e un oboe, Iván e Benxamín . Algo incrible que non podedes perder.
.
O Obradoiro de Literatura do xoves 17 e o Ceador Intercultural do sábado 19 anunciados no programa trimestral pospóñen a súa celebración ata novo aviso.
Como xa sabedes, durante o pasado mes de novembro, tivemos en Tarabela o ANIRMAU09 , un festival de curtas de animación froito do traballo da xente do IES Ramón María Aller Ulloa .
A asistencia de público ás proxecións foi en aumento cada xornada e as mostras de interés constantes, polo que xa estamos a preparar o ANIRMAU10 que virá cargado de novedades. Deixámosvos un resumo do que foron os dous talleres que se celebraron.
TILT SHIFT , con Jose Manuel Rozas , cámara e membro de Tarabela , leva xa tempo facendo pequenos traballos en vídeos e fotografía empregando e investigando a técnica de Tilt Shift . Con fotografías tomadas en diversas localizacións e eventos da vila de Lalín, púxonos no camiño de comezar a traballar nesta interesante técnica.
……………….
……………….
STOP MOTION , con Sergio Mella , membro do colectivo Miolos de Fume (Vila de Cruces) e bo coñecedor de distintas técnicas de animación, entre elas a de Stop Motion . Mostrounos que cunhas sinxelas ferramentas e materiais do máis común, se poden recrear esceas e darlle vía libre á imaxinación.
……………….
Se queredes participar na preparación do próximo ANIRMAU10 ou tendes algunha idea que consideredes interesante sobre o tema xa sabedes contacto@tarabela.org .
Veñen de comunicarnos a cancelación Obradoiro de Literatura previsto no programa para o xoves 26 .
Pedimos desculpas a todos aqueles que tiñades pensado participar e agradecemos o voso interese.
O sábado 14 , ás 16:00 no Local Tarabela , taller de “Stop Motion” impartido por Sergio Mella .
Seguindo coa programación do ANIRMAU09 traemos este sábado, da man de Sergio Mella, un taller de Stop Motion , unha oportunidade para empezar a introducirnos nesta técnica coa axuda dun membro de Miolos de Fume con experiencia xa neste tipo de animación.
O luns 9 , ás 22:15 no Local Tarabela , Curso de Primeiros Auxilios .
Alberto Granja (Kg ), falaranos da importancia dos primeiros auxilios, as medidas que se toman inicialmente nun accidente ata que chega a axuda sanitaria, e que resultan fundamentais xa que, aplicados con rapidez e criterio, son determinantes para reducir as consecuencias e en ocasións salvar vidas.
Nesta charla sobre primeiros auxilios falarase das técnicas básicas que se dan obrigatoriamente aos escolares en moitos países de Europa. Son consellos básicos sobre que facer e que non facer en determinadas situacións, para as que non hai que ter coñecementos sanitarios, pero que poden marcar a diferenza en tre a vida e a morte.
O luns 9 , ás 22:15 no Local Tarabela , Curso de 1º Auxilios . Os primeiros auxilios son as medidas que se toman inicialmente nun accidente ata que chega a axuda sanitaria, resultando fundamental que sexan aplicados con rapidez e criterio. Falaremos das técnicas básicas e de como levalas a cabo.
O martes 10 , ás 21:30 no Local Tarabela , segunda xornada do ANIRMAU09 , adicado á animación en 2D , os coñecidos debuxos animados.
O venres 13 , ás 22:00 no Local Tarabela , Pedro Brandariz presenta “P.G.U.” , un monólogo cómico no que se narra a vida dun gordo. Cun estilo agresivo e transgresor, Pedro Brandariz conta diversas peripecias da súa vida dende a perspectiva de gordo. Prezo 4€.
O sábado 14 Campionato de Ping-Pong . Se vos queredes apuntar ao primeiro Campionato de Ping Pong de Tarabela , mandádenos un correo a contacto@tarabela.org ou chamade/sms ao teléfono 689715300 . Informarémosvos das bases e do lugar de celebración.
O sábado 14 , ás 16:00 no Local Tarabela , taller de Stop Motion . Seguindo coa programación do ANIRMAU09 propoñémosvos este taller de animación impartido por Sergio Mella .
O sábado 14 , ás 21:30 no Local Tarabela , Aniversario do Prestige: Exposición e vídeo . No 7º Aniversario dun dos sucesos máis tráxicos da Galiza celebraremos un acto para lembrarnos do suceso e que nunca máis se repita. Inauguraremos unha exposición fotográfica de Suso Rivas e proxectaremos a reportaxe Sobrevivir ao Prestige de Cristina Fernández . Contaremos cunha persoa que nos informará sobre a situación actual do caso Prestige.