Tarabela » Títeres

PROGRAMA FESTA DO VENTO

nuria — Tue, 13 Jul 2010 13:53:34 +0000

FESTA DO VENTO – 17, 18, 21 E 24 DE XULLO

nuria — Fri, 02 Jul 2010 12:37:50 +0000

Tarabela cumpre un ano de existencia, xa somos máis de 200 socios, que apoian e colaboran nas actividades.

Dende o nacemento da asociación o 18 de xullo do ano pasado non deixamos de xirar, propoñendo un cento de actividades no que levamos de ano…… e hai que celebralo!

Grazas a tod@s por ser tan tarabelos !!

Programa de actividades: Festa do Vento

TITERES: FANTOCHES BAJ: “REI, REI” – VENRES 26 DE MARZO | 22:00

nuria — Thu, 25 Mar 2010 19:58:37 +0000

Esta historia sobre porqué os merlos ao cantar semellan dicir “rei, rei” foi escrita por Karel Kapeck poñéndose no lugar dos máis desfavorecidos socialmente. Fantoches Baj aproveitan para investigar sobre a técnica tradicional dos títeres de luva e recuperar a súa frescura e rebeldía.

Un día o vagabundo Fuco Rei atópase cun forasteiro que vai tras o seu chapeo. O forasteiro, para poder perseguilo máis comodamente, deixa a súa maleta chea de diñeiro ao coidado de Fuco. Todo vai ben até que o policia Peixoto acusa prexuizosamente a Fuco de roubar os cartos e este acaba en prisión. Finalmente todo se aclara, e Fuco Rei é declarado melro branco dos vagabundos e rei dos melros.

Autor: Dramatización de Inacio Vilariño do conto de Karel Kapeck “Francisco Rei, Vagabundo”, editado por Siruela no libro “Nove contos e un de propina de Josepg Kapeck”

Encenador: Inacio Vilariño.

Intérpretes: Luis Iglesias “Luchi” e Inacio Vilariño.

Música: Carlos Paredes.

Técnica: Fantoches de luva, variña e actores.

Duración: 50 min.

Público: Familiar.

No local da Tarabela o Venres 26 de Marzo as 22:00 | Entrada 5€ (socios 4€)

DIA INTERNACIONAL DO TITERE – DOMINGO 21

nuria — Sat, 20 Mar 2010 19:00:14 +0000

O Museo Galego da Marioneta xunto con Tarabela, organizan con motivo do día internacional do títere a seguinte actividade:

AFRICA: UNHA MIRADA A TRAVÉS DO MICROTEATRO

A historia dun país tan rico e tan salvaxemente explotado, preséntase dunha forma singular e única a través de pequenos obxetos nunha atmosfera intensa e íntima.

En medio da escuridade aparecen múltiples escenarios nos que se superpoñen as accións.

Toda a forza do microteatro posta ó servizo de unha nova sensibilidade que necesita da imaxinación dos asistentes.

3 PASES:

19:00
20:30
22:00

IMPORTANTE:

-ESPECTÁCULO PARA ADULTOS.

-IMPRESCINDIBLE RESERVAR INDICANDO DÍA, HORARIO DO PASE E NÚMERO DE RESERVAS, XA QUE SO ENTRAN 15 PERSOAS POR PASE .ENVIANDO UN EMAIL A info@viravolta.es OU NO TLF 630166194

-RECOMÉNDASE CHEGAR CON ANTELACIÓN XA QUE UNHA VEZ COMEZADO O ESPECTÁCULO NON SE PERMITIRÁ A ENTRADA.

No Museo Galego da Marioneta | Rúa Manuel Rivero nº 1 – 1º piso
Ver a promo

TIO MISERIA, CRONICA DE TITERES

admin — Sat, 16 Jan 2010 22:29:43 +0000

Tío Miseria é a adaptación de dous contos populares moi difundidos en toda Europa coñecidos como O Peral da Tía Miseria e O ferreiro e o demo. O narrador é Iñaqui, cociñeiro vasco metido a titiriteiro que nos conta este vello conto usando como marionetas os utensilios da súa cociña. Na súa versión, o ferreiro Miseria consegue vencer e prender o demo acabando así co mal do mundo, sendo obrigado logo a ceibalo para que todo volva ser coma antes.

O espectáculo foi realizado por encargo do Instituto de Esudos de Literatura Tradicional da Universidade Nova de Lisboa (IELT), como unha mostra da posibilidade de dinamización e actualización dun conto popular con marionetas. Continuando con esta liña, a compañía ven de editar, co apoio do IELT, o mesmo conto (chamado en portugués Ti Miséria) con ilustracións de Carlos Augusto Ribero e versión en verso do poeta Jorge Castro.

Esta fermosa edición foi regalada a todos os asistentes ás duas representacións qeu o venres 15 e sábado 16 tivemos en Tarabela. Tamén estivo á venda a edición que a compañía fixo coa Editorial Baía do Tío Miseria, onde se conta a historia a través das fotos do espectáculo realizadas por Miguel Calvo. Serviron polo tanto estas actuacións de presentación do libro na vila.

FOTOS: M.J. Méijome (c)

Rematada a representación Iñaqui tivo a ben explicarnos un pouco polo miúdo a construción das distintas personaxes da obra, ilustrándonos do que con un pouco de imaxinación e instrumentos coñecidos en calquera cociña se pode facer.

FOTOS: M.J. Méijome (c)

Dende Tarabela queremos agradecer a Fantoches Baj, Iñaki e Marta, a súa presencia e amabilidade para actuar no local e a tódolos asistentes por acompañarnos nestas duas xornadas.

www.fantochesbaj.com

TIO MISERIA, FANTOCHES BAJ EN TARABELA

admin — Wed, 13 Jan 2010 12:34:51 +0000

O venres 15 ás 22:00, e o sábado 16 ás 17:00 (sesion para adultos e infantil respectivamente), no Local de Tarabela, teremos a Fantoches Baj coa obra Tío Miseria.

Tío Miseria é un espectáculo de títeres de luva e variña, onde as personaxes son utensilios de cociña de uso cotián. A historia, creada a partir dos contos populares “O ferreiro e o Demo” e “O peral da Tía Miseria”, conta en clave humorística o porqué da existencia da miseria no mundo.

Inacio Vilariño (Fantoches Baj) dirixe, produce e encárgase da manipulación das distintas personaxes da obra, sendo Marta Negro a operadora dos efectos de iluminación.

O vestiario está realizado por Carmen Nela (El Tenderete), e a música está representada por obras de Cabo San Roque, Piccola Orchestra Avion Travel, Quadro Nuevo, Circo du Soleil, Marlango, Salvatore Bonafede e Louis Couperain.

A cada un dos asistentes regalaráselles unha edición da Ti Miseria e durante o espectáculo estará á venda o libro Tío Miseria, editado por Baía, con textos de Inacio Vilariño e fotografías de Miguel Calvo Ulloa.

fantochesbaj.com
.

Animámosvos a todos a asistir a esta boa oportunidade de desfrutar dun espectáculo de títeres, e lembrámosvos que o prezo da entrada será de 4€ para socios e 5€ para os non socios.

ACTIVIDADES EN TARABELA DO 11 O 17 DE XANEIRO

admin — Sun, 10 Jan 2010 19:43:14 +0000

O xoves 14, ás 22:00 no Local de Tarabela, Cineclub: Tres Colores: Blanco

O venres 15 ás 22:00 e o sábado 16 ás 17:30 (sesión infantil) no Local de Tarabela, “Tío Miseria“, espectáculo de títeres de Fantoches Baj.

“Tío Miseria” é un espectáculo de títeres de luva e variña, onde as personaxes son utensilios de cociña de uso cotián. A historia, creada a partir dos contos populares “O Ferreiro e o Demo” e “O peral da Tía Miseria”, conta en clave humorística o porqué da existencia da miseria no mundo.

O sábado 16 ás 21:30 no Local de Tarabela, exposición de fotos de David Silva.

CHARLA E TITERES A FAVOR DOS INDIOS MAPUCHES

admin — Thu, 03 Dec 2009 00:02:59 +0000

O venres 4, ás 21:00 no Local de Tarabela, Títeres e Charla a favor dos Indios Mapuches. Prezo 4€

Comezaremos a noite cunha charla sobre os mapuches, que irá acompañada de proxeccións de vídeos, e finalizaremos coa obra de títeres “O Indio Lautaro”.

Sinopse: O conquistador Pedro de Valdivia diríxese cara ao interior de Chile para conquistar todo o territorio e covertir ós indios en escravos. Alí atópase con Lautaro, un indio que fará todo o posible para evitar que os seus perdan o que máis aman, a súa terra.

APLAZASE A ACTUACION DE FANTOCHES BAJ

admin — Thu, 26 Nov 2009 17:37:08 +0000

Comunícannos que por motivos de saúde Fantoches Baj non poderá representar mañá venres a obra “Tio Miseria”. En canto teñamos nova data será publicitada con tempo.

Pedimos desculpas a todos aqueles que tiñades pensado participar e agradecemos o voso interese.

FANTOCHES BAJ EN TARABELA

admin — Wed, 25 Nov 2009 13:00:15 +0000

O venres 27, ás 22:00 no Local de Tarabela, Fantoches Baj coa obra “Tío Miseria”.

Inacio Vilariño (Fantoches Baj) dirixe, produce e encárgase da manipulación das distíntas personaxes da obra, sendo Marta Negro a operadora dos efectos de iluminación.

Animámosvos a todos a asistir a esta boa oportunidade de desfrutar dun espectáculo de títeres, e lembrámosvos que coma sempre é recomendable reservar a entrada (4€) no mail contacto@tarabela.org ou no teléfono/sms 689715300

Durante a actuación estará á venda o libro Tío Miseria, editado por Baía, con textos de Inacio Vilariño e fotografías tomadas do espectáculo por Miguel Calvo Ulloa.