————————————————————————————————————————————————-

Ecléctica formación dende as suas orixes, esta formación rumbeira comeza a sua carreira no maxico e mitico barrio do Raval (Barcelona), expoñente máximo das tendenzas da fusión musical dos sons latinos e da rumba en Barcelona e verdadeiro berce da Rumba Catalana.

A primeira formación desta banda é unha fusión de dúas bandas moi diferentes. Por unha banda esta formada por excomponentes do grupo O Jarbanzo Negro, rumberos irreverentes con reminiscencias do punk-folk residentes en Barcelona e actualmente desaparecidos do panorama musical, e doutra banda, os compoñentes do grupo Norte Flamenco, residente na Coruña e cunha vea moito máis purista dentro da linguaxe flamenca.

A banda adopta unha clara tendencia rumberofiestera como vehículo de expresión, sen descoidar a alta calidade interpretativa musical dos seus compoñentes e os seus arranxos atrevidos e novos. Esta é a liña que seguen na actualidade.

Nos concertos da Rumba Oeste o máis importante é pasalo ben . Rumba Oeste ó West Rumba,(como se coñece noutras latitudes) gusta de ser simplemente a escusa musical para unha festa lúdica . Para iso utilizan a fusión rumbera e caribeña, en forma de versións e temas de colleita propia, tan ben elaborados e arranxados musicalmente, que non teñen precedente. As versións, renden homenaxe a artistas rumbeiros de todolos tempos entre os que se atopan o mestre Peret, Rubén Blades, Os Amaya e Celia Cruz, Gato Perez, A Fania all stars, entre outros.

Os compoñentes na actualidade son Pulpiño Viascón multiinstrumentista con tradición circense, que toca o caixón flamenco, zendrum , serrucho musical e voz, Xullo Andrade ao baixo e babybass eléctricos e voz, Fran Castro aos teclados, piano e voz, e Miguel Ladrón de Guevara á guitarra flamenca e voz solista.

O concerto será no local da Tarabela. Entrada 5€ (socios da Tarabela 4€).